بۆچی ڕووەکی ناوماڵی ( دیفنباخیا ) ژەهراوییە ؟ بۆچی دەبێت وریای ئەم ڕووەکە بین.

ئەم بابەتە تایبەتە بە بلۆگەر و پەیجی کشتوکاڵ ، هەر بەڕێز و شوێنێك وەری دەگرێت تکایە ئاماژە بدات بە ناوی بلۆگەری کشتوکاڵ .. لەگەڵ ڕێزدا

ڕووەکی دیفنباخیا کە ناوی زانستییەکەی بریتییە لە (  Dieffenbachia Sp.) ، یەکێکە لە ڕووەکەکانی ناو ماڵ کە لەبەر جوانی گەڵاکانی گەورەییان لە قەبارەدا بەخوێ دەکرێت و گرنگی پێ دەدرێت ، کە بۆ ڕێکخستن و ڕازاندنەوەی زۆر لە ئۆفیس و ناوماڵەکان بەکاردێت .

لەم بابەتەدا باس لە چۆنیەتی ژەهراوی بوونی ئەم ڕووەکە دەکەین ، کە لێرە و لەوێ دەبیستین کە ئەم ڕووەکە ژەهراوییە و ئەگەر کەسێک بیخوات ، زیانی پێ دەگەیەنێت و دەیکوژێت!! بە شێوازێکی گشتی زۆربەی ڕووەکە جوانییەکان و ڕووەکەکانی ناوماڵ زیان بەخشن ئەگەر پارچەیەکی ڕووەکەکە بخورێت یاخود ئاوگی ڕووەکەکە بەر پێستمان بکەوێت ، وە ئەم زیان و ژەهراوی بوونەش لە ڕووەکێکەوە بۆ ڕووەکێکی دیکە دەگۆڕدرێت . ڕووەکی دیفنباخیا ش یەکێکە لەو ڕووەکانەوە ئاستی ژەهراوی بوونی زیاترە لە چاو ڕووەکەکانی دیکە.

ماددە ژهراوییەکانی ناو  ڕووەکی(دیفینباخیا) :

لە ناو ڕووەکەکەدا چەند ماددەیەک هەن کە هۆکارن لە ژەهراوی بوونی ڕووەکەکە ئەوانیش:

١- ترشی ئۆکسالیک Oxalic Acid

ئەم ماددەیە بە شێوەی کریستاڵی ئۆکسالاتی کالسیۆم هەیە لە ناو ڕووەکەکەدا کە لەشێوەی بلوراتی دەرزیلەییدایە . لەکاتی جوینی گەڵای ڕووەکەکە ئەم ماددەیە دەبێتە هۆی بەرزبوونەوەی پلەی گەرمی ناو دەم و قورگ و سوتاندنەوەی . 

٢- پرۆتینی ئەسپەرەجین Asparagine protein

نیشانەکانی ژەهراوی بوون و زیان گەیاندن:

١- سوتاندنەوەی ڕووپۆشی ناو دەم و قورگ.

٢- زیان گەیاندن بە هاوێنە (عەدەسە)ی چاو.

٣- سکچوون.

٤- چاو ئێشە.

٥- دڵ تێکهەڵاتن و ڕشانەوە.

٦- تێکدانی دەنگ و دەنگ نووسان.

٧- هەڵئاوسان و سووربوونەوەی زمان و دەم .

ئەگەر ڕێژەی ئاوسان و سووربوونەوەکە زۆر بوو ، ئەوا دەبێتە هۆی تێکدانی قسەکەردنی ئاسایی و ئەو کەسە ناتوانێت بە ئاسانی قسە بکات ، هەروەها نووسانی قورگ و قورسکردنی قووتدان.

چۆنیەتی خۆ پاراستن لە ماڵەوە؟

١- پێویستە ناو دەم بە پارچە پەڕۆیەکی پاکژ و تەڕ و سارد بە جوانی بسڕدرێت .

٢- جوان شواردنی چاو و پێستی هەر کەسێک کە دەستی لە ڕووەکەکە دابوو وە تووشی هەستیاری کردبوو  لەڕێی بەرکەوتنی ئاوگی ناو ڕووەکەکە وەک شکاندنەوەی گەڵای ڕووەکەکە ، یاخود لاسکی ڕووەکە .

٣- پێدانی شیر بە کەسی تووشبوو وە خواردنەوەی شیرەکە .

٤- ئەگەر تووشبوونەکە زۆر بوو ئەوا پێویستە کەسی تووشبوو سەردانی نەخۆشخانە بکات بۆ ڕێنمایی پێویست و چارەسەر.

ژەهراوی بوون بە ڕووەکی (دیفینباخیا) چەند ناوێکی تر هەیە :

بە چەند ناوێکی تر ژەهراوی بوونی دیفینباخیا دەناسرێتەوە :

١- ژەهراوی بوونی دومبکان  Dumbcane poisoning

٢-ژەهراوی بوونی لیوپارد لیلی Leopard lily poisoning

٣- ژەهراوی بوونی ڕەگی توفت Tuft root poisoning

سەرچاوە:- 

ماڵپەری میدسن پڵەس https://medlineplus.gov/ency/article/002866.ht